کیڈٹ کالج جعفرآباد میں بارہویں یومِ والدین کی پروقار تقریب منعقد

رپورٹ: عزیز الرحمٰن،  نصیرآباد

کیڈٹ کالج جعفرآباد میں بارہویں یومِ والدین کی سالانہ،پروقار تقریب منعقد ہوئی، جس نے نظم و ضبط، تربیت اور قومی یکجہتی کی  خوبصورت تصویر پیش کی۔تقریب کے مہمانِ خصوصی انسپکٹر جنرل بلوچستان فرنٹیئر کور محمد عاطف مجتبیٰ تھے، جبکہ صدارت پرنسپل کیڈٹ کالج جعفرآباد بریگیڈیئر صغیر احمد نے کی۔ تقریب میں 114 ونگ کے کمانڈر کرنل رضوان، صوبائی وزیر لائیوسٹاک سردارزادہ میر فیصل جان جمالی، کمشنر نصیرآباد ڈویژن صلاح الدین خان نورزئی، ڈی آئی جی نصیرآباد ڈویژن کیپٹن (ر) محمد عاصم،ڈپٹی کمشنر استا محمد ،محمد رمضان پلال سمیت دیگر معزز شخصیات نے شرکت کی۔ اس موقع پر جماعت ہفتم سے بارہویں جماعت تک کے کیڈٹس کے والدین کو خصوصی طور پر مدعو کیا گیا ۔
تقریب کا آغاز کیڈٹس کی  پریڈ سے ہوا، جس میں سلامی، منظم مارچ اور عسکری انداز نے حاضرین کو بے حد متاثر کیا۔

محدود مدت، محض بیس دنوں کی تیاری میں پیش کی گئی اس پریڈ کو مہمانِ خصوصی آئی جی ایف سی محمد عاطف مجتبیٰ نے غیر معمولی قرار دیتے ہوئے کیڈٹس کی کارکردگی کو قابلِ فخر کہا۔ ان کا کہنا تھا کہ کیڈٹ کالج جعفرآباد کے کیڈٹس نظم و ضبط، حوصلے اور محنت کی بہترین مثال ہیں۔پریڈ میں نمایاں پوزیشن حاصل کرنے والے کیڈٹس میں اعزازی شیلڈز تقسیم کی گئیں۔ اس کے ساتھ  کیڈٹس نے جسمانی مہارتوں پر مبنی شاندار مظاہرے پیش کیے۔ کیڈٹس نے علاقائی ثقافتی لباس پہن کر ثقافتی شو پیش کیا، جس میں ہر صوبے کی روایات اور تہذیب کو خوبصورت انداز میں اجاگر کیا گیا۔ پرنسپل کیڈٹ کالج جعفرآباد بریگیڈیئر صغیر احمد نے مہمانِ خصوصی، معزز مہمانوں اور والدین کو خوش آمدید کہتے ہوئے کیڈٹ کالج کی تعلیمی، تربیتی اور انتظامی کارکردگی پر تفصیلی روشنی ڈالی۔یومِ والدین کے موقع پر والدین نے اپنے بچوں کی کارکردگی کو قریب سے دیکھ کر خوشی، فخر اور اطمینان کا اظہار کیا اور کیڈٹ کالج جعفرآباد کی معیاری تعلیم و تربیت کو سراہتے ہوئے انتظامیہ کی کاوشوں کو خراجِ تحسین پیش کیا۔

CM Balochistan’s Special Message on Maarka-e-Haq Day

CM Balochistan Visits Baker Area of Dera Bugti, Reviews Development Projects

Balochistan Accelerates Strategic Development Projects for Public Welfare

Quetta Moves Towards Green Transport with Electric Bus Transition

Balochistan Government Decides to Fully Activate Pasni Fish Harbour

High-Level Meeting Chaired by Provincial Election Commissioner on PB-36 Kalat Re-Polling