کوئٹہ میں جرائم کی شرح میں 70 فیصد نمایاں کمی، وزیر اعلیٰ بلوچستان
وزیر اعلیٰ بلوچستان میر سرفراز بگٹی کا کہنا ہے کہ گزشتہ دو ماہ کے دوران کوئٹہ میں جرائم کی شرح میں 70 فیصد کمی ریکارڈ کی گئی ہے۔ سیف سٹی منصوبے کے تحت شہر میں 97 فیصد کیمرے دوبارہ فعال کر دیے گئے ہیں جبکہ امن و امان کی صورتحال مزید بہتر بنانے کے لیے مؤثر اقدامات جاری ہیں۔
رپورٹ: سیدہ نتاشا
وزیر اعلیٰ بلوچستان میر سرفراز بگٹی نے سماجی رابطے کی ویب سائٹ ایکس پر اپنے پیغام میں کہا ہے کہ گزشتہ دو ماہ کے دوران کوئٹہ شہر میں جرائم کی شرح میں 70 فیصد نمایاں کمی واقع ہوئی ہے، جو قانون نافذ کرنے والے اداروں کی مؤثر حکمتِ عملی کا نتیجہ ہے۔
انہوں نے بتایا کہ سیف سٹی منصوبے کے تحت کوئٹہ میں نصب 97 فیصد سرویلنس کیمرے دوبارہ فعال کر دیے گئے ہیں، جس سے شہر میں نگرانی کے نظام کو مزید مؤثر بنایا گیا ہے۔ وزیر اعلیٰ کے مطابق بلوچستان میں امن و امان کی مجموعی صورتحال کو بتدریج بہتر بنانے کے لیے حکومت سنجیدہ اور عملی اقدامات کر رہی ہے۔
میر سرفراز بگٹی نے کہا کہ دہشت گردی اور جرائم پیشہ عناصر کے خلاف کارروائی میں بلوچستان پولیس ہراول دستے کا کردار ادا کر رہی ہے اور عوام کے جان و مال کے تحفظ کو ہر صورت یقینی بنایا جا رہا ہے۔
Related News
