علی مدد جتک صوبائی وزیر داخلہ مقرر
رکن صوبائی اسمبلی علی مدد جتک نے صوبائی وزیر داخلہ کے عہدے کا حلف اٹھا لیا۔ گورنر بلوچستان جعفر خان مندوخیل نے گورنر ہاؤس کوئٹہ میں منعقدہ تقریب میں ان سے حلف لیا، جس میں اعلیٰ حکومتی و سیاسی شخصیات نے شرکت کی۔
رپورٹ: سیدہ نتاشا
پاکستان پیپلز پارٹی کے رکن صوبائی اسمبلی علی مدد جتک کو بلوچستان کا صوبائی وزیر داخلہ مقرر کر دیا گیا۔ اس سلسلے میں گورنر ہاؤس کوئٹہ میں ایک سادہ مگر پروقار تقریب حلف برداری منعقد ہوئی، جہاں گورنر بلوچستان جعفر خان مندوخیل نے علی مدد جتک سے صوبائی وزیر کے عہدے کا حلف لیا۔
تقریب میں وزیراعلیٰ بلوچستان میر سرفراز بگٹی، اسپیکر بلوچستان اسمبلی کیپٹن (ر) عبدالخالق اچکزئی، صوبائی وزراء، اراکین صوبائی اسمبلی، چیف سیکرٹری بلوچستان شکیل قادر خان، صوبائی سیکرٹریز اور دیگر سیاسی و سرکاری شخصیات نے شرکت کی۔
تقریب کے دوران شرکاء نے علی مدد جتک کے لیے نیک تمناؤں کا اظہار کیا اور اس امید کا اظہار کیا کہ وہ صوبے میں امن و امان کی بہتری اور داخلی سلامتی کے امور میں مؤثر کردار ادا کریں گے۔ صوبائی وزیر داخلہ کی حیثیت سے علی مدد جتک کو اہم ذمہ داریاں سونپی گئی ہیں، جن میں امن و امان کی صورتحال کو مزید بہتر بنانا شامل
Related News
