وزیر اعلیٰ بلوچستان نے عالمی یوم تعلیم پر ہر بچے کے لیے معیاری تعلیم کا وعدہ کیا
وزیر اعلیٰ بلوچستان میر سرفراز بگٹی نے عالمی یوم تعلیم کے موقع پر عوام سے وعدہ کیا کہ بلوچستان کے تمام بچوں کو معیاری تعلیم فراہم کی جائے گی، کوئی اسکول بند نہیں رہے گا، اور وسائل کی کمی کے باوجود ہر قابل طالب علم اعلیٰ تعلیم حاصل کرے گا۔
رپورٹ: سیدہ نتاشا
وزیر اعلیٰ بلوچستان میر سرفراز بگٹی نے عالمی یوم تعلیم کے موقع پر سماجی رابطے کی ویب سائٹ ایکس پر پیغام جاری کرتے ہوئے صوبے کے عوام کو تعلیم کے فروغ کے عزم کی یاد دہانی کرائی۔
انہوں نے کہا کہ بلوچستان کا کوئی بچہ اسکول سے باہر نہیں ہوگا اور تعلیم ہر بچے کا بنیادی حق ہے۔ وزیر اعلیٰ نے یقین دلایا کہ وسائل کی کمی کے باعث کسی بھی قابل طالب علم کو اعلیٰ تعلیم سے محروم نہیں رہنے دیا جائے گا۔
مزید کہا گیا کہ معیاری اور مؤثر تعلیم کے ذریعے بلوچستان کے بچوں کا مستقبل محفوظ بنایا جائے گا اور صوبے کے تمام سرکاری اسکول فعال رہیں گے تاکہ ہر بچہ اپنے تعلیمی حقوق سے محروم نہ رہے۔
یہ اقدام صوبائی حکومت کی تعلیم کے فروغ اور بچوں کے روشن مستقبل کے لیے مسلسل کوششوں کا حصہ ہے۔
Related News
