بلوچستان ہیلتھ کیئر کمیشن کا کلیدی پیشنٹ سیفٹی ایریاز پر ایک روزہ اورینٹیشن سیشن
کوئٹہ میں بلوچستان ہیلتھ کیئر کمیشن نے پی پی ایچ آئی بلوچستان کے افسران کے لیے مریضوں کی حفاظت کے کلیدی شعبوں پر ایک روزہ اورینٹیشن سیشن منعقد کیا۔ سیشن کا مقصد صحت کے مراکز میں معیاری خدمات اور عالمی معیار کے مطابق مریضوں کے تحفظ کو فروغ دینا تھا۔
رپورٹ: سیدہ نتاشا
کوئٹہ: بلوچستان ہیلتھ کیئر کمیشن کے زیرِ اہتمام پی پی ایچ آئی بلوچستان کے ڈسٹرکٹ منیجرز، اسسٹنٹ ڈسٹرکٹ منیجرز اور مانیٹرنگ افسران کے لیے مریضوں کی حفاظت کے اہم شعبوں پر ایک روزہ اورینٹیشن سیشن منعقد کیا گیا۔ اس سیشن میں کوئٹہ، پشین، قلعہ عبداللہ، چمن، چاغی، نوشکی، خاران، واشک اور مستونگ کے متعلقہ افسران نے شرکت کی۔
تقریب میں چیف سیکریٹری بلوچستان، سی ایم ڈی یو بلوچستان، سیکریٹری صحت محمد رفیق رئیسانی رستم زئی، اسپیشل سیکریٹری صحت عزیز احمد جمالی اور محکمہ صحت کے دیگر اعلیٰ حکام بھی موجود تھے۔
مقررین نے کہا کہ مریضوں کی حفاظت صحت کے نظام کا اہم ستون ہے اور اس حوالے سے افسران کی تربیت مؤثر اور معیاری طبی خدمات کی فراہمی کے لیے نہایت ضروری ہے۔ اورینٹیشن سیشن کا مقصد زمینی سطح پر صحت کے مراکز میں سروس ڈیلیوری کو بہتر بنانا اور مریضوں کے تحفظ کے عالمی معیار کو فروغ دینا تھا۔
اس سیشن میں مختلف ورکشاپس اور عملی مشقوں کے ذریعے افسران کو مریضوں کی حفاظت، معیاری علاج اور صحت کے نظام میں بہتری کے حوالے سے اہم ہدایات دی گئیں۔ حکام نے کہا کہ تربیت یافتہ عملہ مریضوں کو محفوظ اور مؤثر خدمات فراہم کرنے میں کلیدی کردار ادا کرے گا۔
Related News
