بٹ کوائن کی قیمت میں شدید کمی، 77 ہزار ڈالر کی حد سے نیچے آ گئی
عالمی مالیاتی منڈی میں غیر یقینی صورتحال کے باعث بٹ کوائن کی قیمت میں نمایاں گراوٹ ریکارڈ کی گئی ہے۔ مارکیٹ ڈیٹا کے مطابق گزشتہ ایک ہفتے میں بٹ کوائن کی قدر میں 13 فیصد سے زائد کمی آئی ہے، جبکہ چھ ماہ کے دوران مجموعی طور پر اس کی قیمت میں تقریباً 49 ہزار ڈالر کی کمی ہو چکی ہے۔ ماہرین سرمایہ کاروں کو محتاط رہنے اور مارکیٹ رجحانات پر نظر رکھنے کا مشورہ دے رہے
بٹ کوائن کی قیمت میں نمایاں کمی، 77 ہزار ڈالر سے نیچے آ گئی
رپورٹ: عروبہ شہزاد
عالمی مالیاتی منڈی میں سونے کی قیمت میں کمی کے بعد کرپٹو کرنسی بٹ کوائن بھی شدید دباؤ کا شکار ہو گئی ہے، اور اس کی قیمت میں نمایاں گراوٹ ریکارڈ کی گئی ہے۔
مارکیٹ ڈیٹا کے مطابق بٹ کوائن کی قیمت 77 ہزار ڈالر سے نیچے آ گئی ہے، جبکہ گزشتہ ایک ہفتے کے دوران اس کی قدر میں 13 فیصد سے زائد کمی دیکھی گئی ہے۔ ماہرین کے مطابق یہ کمی سرمایہ کاروں کے بدلتے رجحانات اور عالمی سرمایہ کاری کے شعبے میں غیر یقینی صورتحال کا نتیجہ ہے۔
اعداد و شمار کے مطابق چھ ماہ قبل بٹ کوائن کی قیمت تقریباً ایک لاکھ 26 ہزار ڈالر کے قریب تھی، تاہم موجودہ سطح تک پہنچنے کے بعد اس میں 49 ہزار ڈالر سے زیادہ کی کمی ہو چکی ہے، جو کرپٹو مارکیٹ کے لیے ایک بڑا اتار چڑھاؤ تصور کیا جا رہا ہے۔معاشی ماہرین کا کہنا ہے کہ سونے اور دیگر سرمایہ کاری کے ذرائع میں قیمتوں کے اتار چڑھاؤ کا براہ راست اثر بٹ کوائن سمیت ڈیجیٹل اثاثوں پر بھی پڑ رہا ہے۔ انہوں نے سرمایہ کاروں کو مشورہ دیا ہے کہ وہ موجودہ صورتحال میں محتاط حکمت عملی اپنائیں اور مارکیٹ کے رجحانات پر گہری نظر رکھیں۔
Related News
