ریکوڈک سے ملحقہ دیہات نوکچاہ میں 170 ونگ کے کمانڈر کا دورہ
170 ونگ کے کمانڈر لیفٹینیٹ کرنل علی محیدی نے ریکوڈک سے ملحقہ دیہات نوکچاہ کا دورہ کیا، جہاں انہوں نے مقامی عمائدین، کمیونٹی سربراہان اور قبائلی رہنماؤں سے ملاقات کی۔ ملاقات میں امن و امان، عوامی تعاون اور تعلیم کی اہمیت پر تفصیلی گفتگو کی گئی۔
رپورٹ: سلیم ساسولی
ریکوڈک سے ملحقہ دیہات نوکچاہ میں 170 ونگ کے کمانڈر لیفٹینیٹ کرنل علی محیدی نے دورہ کیا۔ دورے کے دوران انہوں نے نوکچاہ کمیونٹی کے سربراہان اور علاقے کے معززین سے ملاقات کی اور علاقے کی موجودہ صورتحال پر تفصیلی تبادلہ خیال کیا۔
اس موقع پر لیفٹینیٹ کرنل علی محیدی نے کہا کہ علاقے میں پائیدار امن و امان کے قیام کے لیے عوام اور سیکیورٹی فورسز کے درمیان باہمی تعاون انتہائی ضروری ہے۔ انہوں نے زور دیا کہ کسی بھی مشکوک یا غیر متعلقہ شخص کی موجودگی کی فوری اطلاع سیکیورٹی فورسز کو دی جائے تاکہ بروقت اقدامات کیے جا سکیں۔
دورے کے دوران ونگ کمانڈر نے بچوں سے بھی ملاقات کی اور تعلیم کی اہمیت پر زور دیتے ہوئے کہا کہ یہی بچے مستقبل میں ریکوڈک جیسے اہم قومی منصوبوں کی ذمہ داریاں سنبھالیں گے، اس لیے ان کی تعلیم اور تربیت پر خصوصی توجہ دی جانی چاہیے۔
بعد ازاں ونگ کمانڈر نے علاقے کے قبائلی و سیاسی رہنماؤں سے بھی ملاقات کی۔ اس موقع پر قبائلی معتبرین کی جانب سے ان کے اعزاز میں ٹی پارٹی کا اہتمام کیا گیا۔ تقریب میں سیاہ ڈک پروجیکٹ کے سیکیورٹی و فیسلٹیز انچارج تاج بلوچ بجرانی بھی موجود تھے۔
Related News
