ڈی جی آئی ایس پی آر کا یونیورسٹی آف گوادر کا دورہ، طلبہ و طالبات کے ساتھ خصوصی انٹرایکٹو سیشن
ڈی جی آئی ایس پی آر لیفٹیننٹ جنرل احمد شریف چوہدری نے یونیورسٹی آف گوادر کا دورہ کیا جہاں انہوں نے طلبہ و اساتذہ سے خصوصی انٹرایکٹو سیشن میں گفتگو کی۔ سیشن میں معلوماتی جنگ، سوشل میڈیا کے کردار اور ذمہ دارانہ معلومات کے استعمال پر آگاہی دی گئی۔ شرکاء نے سیشن کو نوجوانوں کے لیے نہایت مفید اور بروقت قرار
ڈی جی آئی ایس پی آر کا یوینورسٹی آف گوادر دورہ
رپورٹ: سیدہ نتاشا
طلبہ و طالبات کے ساتھ خصوصی انٹرایکٹو سیشن
ڈی جی آئی ایس پی آر لفٹنینٹ جنرل احمد شریف چوہدری نے یونیورسٹی آف گوادر کا دورہ کیا جہاں انہوں نے طلبہ اور اساتذہ کے ساتھ ایک خصوصی انٹرایکٹو سیشن میں شرکت کی۔ سیشن کا مقصد جدید دور میں معلوماتی جنگ، سوشل میڈیا کے بڑھتے ہوئے کردار اور اطلاعات کے ذمہ دارانہ استعمال سے متعلق آگاہی فراہم کرنا تھا۔
اس موقع پر ڈی جی آئی ایس پی آر نے گفتگو کرتے ہوئے کہا کہ موجودہ دور میں معلومات اور بیانیہ سازی اہم ہتھیار بن چکے ہیں، اس لیے نوجوانوں کے لیے ضروری ہے کہ وہ کسی بھی خبر یا مواد کو آگاہی اور تنقیدی سوچ کے ساتھ پرکھیں۔ انہوں نے سوشل میڈیا کے مثبت استعمال اور غلط معلومات سے بچاؤ پر بھی زور دیا۔
سیشن کے دوران طلبہ اور فیکلٹی ممبران نے بھرپور دلچسپی کا مظاہرہ کیا اور سوال و جواب کے مرحلے میں مختلف موضوعات پر سوالات کیے۔ شرکاء نے اس نوعیت کے آگاہی سیشنز کو وقت کی اہم ضرورت قرار دیا اور کہا کہ اس سے نوجوانوں میں شعور اور ذمہ دارانہ رویہ فروغ پاتا ہے۔
Related News
