ایف سی بلوچستان (ساؤتھ) کے زیرِ اہتمام یونیورسٹی آف مکران کے طلبہ کا تفریحی و تعلیمی دورہ
ایف سی بلوچستان (ساؤتھ) کے تعاون سے یونیورسٹی آف مکران، پنجگور کے طلبہ و اساتذہ کے لیے کوئٹہ، اسلام آباد، مری اور لاہور پر مشتمل ایک تفریحی و تعلیمی دورہ منعقد کیا گیا، جس کا مقصد طلبہ کو قومی ورثے اور مختلف ثقافتوں سے روشناس کرانا تھا۔
رپورٹ: سیدہ نتاشا
ایف سی بلوچستان (ساؤتھ) کے زیرِ اہتمام یونیورسٹی آف مکران، پنجگور کے طلبہ کے لیے ایک خصوصی تفریحی و تعلیمی دورے کا انعقاد کیا گیا۔ اس دورے میں یونیورسٹی آف مکران کے 54 طلبہ اور 10 اساتذہ پر مشتمل وفد نے شرکت کی، جنہیں کوئٹہ، اسلام آباد، مری اور لاہور کے دورے کرائے گئے۔
دورے کا بنیادی مقصد طلبہ کو ایک خوشگوار اور مثبت تعلیمی ماحول فراہم کرنا، انہیں ملک کے مختلف علاقوں کی ثقافت، تاریخ اور قومی ورثے سے آگاہ کرنا تھا۔ دورے کے دوران طلبہ نے مختلف شہروں کے اہم قومی، تاریخی اور سیاحتی مقامات کا مشاہدہ کیا، جس سے ان کے علم اور تجربے میں اضافہ ہوا۔
طلبہ نے مختلف ثقافتی رنگوں، تہذیبی تنوع اور قومی ہم آہنگی کو قریب سے دیکھا اور اس دورے کو نہایت معلوماتی اور یادگار قرار دیا۔ دورے کے اختتام پر طلبہ اور اساتذہ نے ایف سی بلوچستان (ساؤتھ) کا شکریہ ادا کرتے ہوئے امید ظاہر کی کہ مستقبل میں بھی اس نوعیت کے تعلیمی و تفریحی پروگراموں کا تسلسل جاری رکھا جائے گا۔
Related News
