کویت میں انرجی ڈرنکس کی خریداری کی عمر حد 18 سال مقرر، استعمال کی حد بھی واضح کر دی گئی
کویت کی وزارتِ صحت نے انرجی ڈرنکس کی خرید و فروخت کے لیے نئے قواعد و ضوابط جاری کر دیے ہیں۔ اب ان مشروبات کی خریداری صرف 18 سال یا اس سے زائد عمر کے افراد کر سکیں گے۔ نئے قواعد کے مطابق ہر فرد کو روزانہ زیادہ سے زیادہ دو بوتلیں استعمال کرنے کی اجازت ہوگی، اور ایک بوتل میں زیادہ سے زیادہ 80 ملی گرام کیفین (250 ملی لیٹر) ہو سکتی ہے۔ وزارتِ صحت نے پروڈیوسرز اور درآمد کنندگان پر یہ بھی لازم کر دیا ہے کہ مشروبات کی بوتلوں پر واضح اور نمایاں صحت کے انتباہات درج ہوں۔ مزید کہا گیا ہے کہ اشتہارات اور اسپانسرشپ کے ذریعے انرجی ڈرنکس کی تشہیر پر پابندی ہوگی۔ یہ مشروبات حکومتی و نجی تعلیمی اداروں، کالجوں، یونیورسٹیوں اور دیگر تعلیمی مراکز میں فروخت نہیں کی جا سکیں گی۔ انرجی ڈرنکس صرف کوآپریٹیو ایسوسی ایشنز اور منتخب مارکیٹوں میں مخصوص جگہ پر، اور متعلقہ حکام کی سخت نگرانی میں فروخت کی جا سکیں گی۔ وزارتِ صحت کا کہنا ہے کہ یہ فیصلہ نوجوانوں میں ان مشروبات کے استعمال کو محدود کرنے اور صحت پر ان کے منفی اثرات کو کم کرنے کے لیے کیا گیا ہے۔
کویت میں انرجی ڈرنکس کی خریداری کی عمر حد 18 سال مقرر، استعمال کی حد بھی واضح کر دی گئی
رپورٹ: اقصی بلوچ
کویت کی وزارتِ صحت نے انرجی ڈرنکس کی خرید و فروخت کے لیے نئے قواعد و ضوابط جاری کر دیے ہیں۔ اب ان مشروبات کی خریداری صرف 18 سال یا اس سے زائد عمر کے افراد کر سکیں گے۔
نئے قواعد کے مطابق ہر فرد کو روزانہ زیادہ سے زیادہ دو بوتلیں استعمال کرنے کی اجازت ہوگی، اور ایک بوتل میں زیادہ سے زیادہ 80 ملی گرام کیفین (250 ملی لیٹر) ہو سکتی ہے۔ وزارتِ صحت نے پروڈیوسرز اور درآمد کنندگان پر یہ بھی لازم کر دیا ہے کہ مشروبات کی بوتلوں پر واضح اور نمایاں صحت کے انتباہات درج ہوں۔
مزید کہا گیا ہے کہ اشتہارات اور اسپانسرشپ کے ذریعے انرجی ڈرنکس کی تشہیر پر پابندی ہوگی۔ یہ مشروبات حکومتی و نجی تعلیمی اداروں، کالجوں، یونیورسٹیوں اور دیگر تعلیمی مراکز میں فروخت نہیں کی جا سکیں گی۔
انرجی ڈرنکس صرف کوآپریٹیو ایسوسی ایشنز اور منتخب مارکیٹوں میں مخصوص جگہ پر، اور متعلقہ حکام کی سخت نگرانی میں فروخت کی جا سکیں گی۔ وزارتِ صحت کا کہنا ہے کہ یہ فیصلہ نوجوانوں میں ان مشروبات کے استعمال کو محدود کرنے اور صحت پر ان کے منفی اثرات کو کم کرنے کے لیے کیا گیا ہے۔
Related News
