کوئٹہ میں نان فنکشنل اسکولوں کی بحالی سے متعلق جائزہ اجلاس منعقد

رپورٹ: سیدہ نتاشا

کوئٹہ میں ڈپٹی کمشنر مہراللہ بادینی کی زیر صدارت ڈسٹرکٹ ایجوکیشن گروپ کا ایک اہم جائزہ اجلاس منعقد ہوا۔ اجلاس میں ایڈیشنل ڈپٹی کمشنر (جنرل)، ڈسٹرکٹ ایجوکیشن آفیسر، ڈسٹرکٹ خزانہ آفیسر سمیت دیگر متعلقہ افسران نے شرکت کی۔

اجلاس کے دوران ضلع کوئٹہ میں موجود نان فنکشنل اسکولوں سے متعلق تفصیلی بریفنگ دی گئی، جس میں درپیش مسائل اور رکاوٹوں پر روشنی ڈالی گئی۔ اس موقع پر ڈپٹی کمشنر کوئٹہ نے ہدایت کی کہ جہاں جہاں نان فنکشنل اسکول موجود ہیں وہاں موسمِ تعطیلات کے دوران تمام ضروری مرمتی، انتظامی اور دیگر امور مکمل کیے جائیں تاکہ اسکول تعطیلات کے فوراً بعد دوبارہ فعال ہو سکیں۔
ڈپٹی کمشنر نے کہا کہ نان فنکشنل اسکولوں کو درپیش مسائل کے حل کے لیے ضلعی انتظامیہ محکمہ تعلیم کے ساتھ مکمل تعاون کرے گی۔ انہوں نے اس عزم کا اظہار کیا کہ آنے والے دنوں میں ضلع کوئٹہ کے تمام نان فنکشنل اسکولوں کو مکمل طور پر فعال بنا کر تعلیمی عمل کو بحال کیا جائے گا، تاکہ بچوں کو تعلیم کے بہتر مواقع میسر آ سکیں۔

Empowering Youth Through Technology: PM Laptop Scheme Phase-IV Continues Across Balochistan

Balochistan Students Participate in International Kangaroo Math Competition for the First Time

Balochistan Board Announces Matric Annual Examination 2026 Results

Education on Wheels: Book Vans and Science Rides Transform Learning in Balochistan

All Government Schools in Gwadar District Made Functional, Major Progress in Education Reforms

gwadar university event