عابدہ پروین کی وفات کی خبریں بے بنیاد، بیٹی نے تصدیق کر دی
سوشل میڈیا پر گردش کرنے والی خبریں کہ معروف صوفی گلوکارہ عابدہ پروین انتقال کر گئی ہیں، مکمل طور پر جھوٹی اور بے بنیاد ہیں۔ اس بات کی تصدیق خود عابدہ پروین کی بیٹی نے کی ہے اور کہا کہ ان کی والدہ بالکل خیریت سے اور صحت مند ہیں۔ بیٹی نے وضاحت کی کہ لاہور کے علاقے دلگران چوک میں ایک خاتون کا انتقال ہوا تھا جس کا نام بھی عابدہ پروین تھا، جس کے باعث غلط فہمی پیدا ہوئی۔ انہوں نے کہا کہ لیجنڈری گلوکارہ کی وفات کی خبریں سراسر غلط ہیں اور مداحوں کو گمراہ کرنے کے لیے پھیلائی گئی ہیں۔ عابدہ پروین کی بیٹی نے عوام سے اپیل کی کہ وہ صرف مستند اور قابلِ اعتماد ذرائع سے معلومات حاصل کریں اور افواہوں پر یقین نہ کریں۔ غیر مصدقہ خبروں کی وجہ سے ملک بھر اور بیرونِ ملک میں عابدہ پروین کے مداحوں میں تشویش پیدا ہوئی، جس پر خاندان نے میڈیا اور عوام سے درخواست کی کہ وہ غیر مصدقہ اطلاعات پھیلانے سے گریز کریں اور فنکارہ اور ان کے اہلِ خانہ کی نجی زندگی کا احترام کریں۔ واضح رہے کہ عابدہ پروین کو پاکستان کی عظیم ترین صوفی گلوکاراؤں میں شمار کیا جاتا ہے اور ان کے مداح دنیا بھر میں موجود ہیں۔
عابدہ پروین کی وفات کی خبریں بے بنیاد، بیٹی نے تصدیق کر دی
رپورٹ: اقصی بلوچ
سوشل میڈیا پر گردش کرنے والی خبریں کہ معروف صوفی گلوکارہ عابدہ پروین انتقال کر گئی ہیں، مکمل طور پر جھوٹی اور بے بنیاد ہیں۔
اس بات کی تصدیق خود عابدہ پروین کی بیٹی نے کی ہے اور کہا کہ ان کی والدہ بالکل خیریت سے اور صحت مند ہیں۔
بیٹی نے وضاحت کی کہ لاہور کے علاقے دلگران چوک میں ایک خاتون کا انتقال ہوا تھا جس کا نام بھی عابدہ پروین تھا، جس کے باعث غلط فہمی پیدا ہوئی۔ انہوں نے کہا کہ لیجنڈری گلوکارہ کی وفات کی خبریں سراسر غلط ہیں اور مداحوں کو گمراہ کرنے کے لیے پھیلائی گئی ہیں۔
عابدہ پروین کی بیٹی نے عوام سے اپیل کی کہ وہ صرف مستند اور قابلِ اعتماد ذرائع سے معلومات حاصل کریں اور افواہوں پر یقین نہ کریں۔
غیر مصدقہ خبروں کی وجہ سے ملک بھر اور بیرونِ ملک میں عابدہ پروین کے مداحوں میں تشویش پیدا ہوئی، جس پر خاندان نے میڈیا اور عوام سے درخواست کی کہ وہ غیر مصدقہ اطلاعات پھیلانے سے گریز کریں اور فنکارہ اور ان کے اہلِ خانہ کی نجی زندگی کا احترام کریں۔
واضح رہے کہ عابدہ پروین کو پاکستان کی عظیم ترین صوفی گلوکاراؤں میں شمار کیا جاتا ہے اور ان کے مداح دنیا بھر میں موجود ہیں۔
Related News
