پشین میں محکمۂ تعلیم اور یونیسف کے تعاون سے 16 اے۔ایل۔پی سینٹرز قائم
ضلع پشین میں محکمۂ تعلیم اور یونیسف نے 16 ایکسیلریٹڈ لرننگ پروگرام سینٹرز قائم کیے ہیں جہاں 564 بچے زیر تعلیم ہیں۔ ان سینٹرز کا مقصد محروم طبقات کے بچوں کو تیزی سے معیاری تعلیم فراہم کرنا ہے تاکہ وہ دوبارہ اپنا تعلیمی سفر شروع کر سکیں۔
ضلع پشین میں محکمۂ تعلیم بلوچستان اور یونیسف کے تعاون سے 16 ایکسیلریٹڈ لرننگ پروگرام سینٹرز قائم کر دیئے گئے ہیں، جو اُن بچوں کے لیے امید کی نئی کرن ہیں جو معاشرتی، معاشی یا جغرافیائی مسائل کے باعث تعلیم سے محروم رہے۔
ان سینٹرز میں مجموعی طور پر 564 بچے زیرِ تعلیم ہیں جن میں 370 بچے پرائمری جبکہ 194 بچے مڈل سطح کی تعلیم حاصل کر رہے ہیں۔ ایکسیلریٹڈ لرننگ پروگرام کا مقصد پسماندہ اور محروم طبقات کے بچوں کو تیز رفتار اور معیاری تعلیم فراہم کرنا ہے تاکہ وہ اپنا تعلیمی سفر دوبارہ اعتماد کے ساتھ جاری رکھ سکیں۔
یہ پورا اقدام وزیرِ اعلیٰ بلوچستان میر سرفراز بگٹی اور وزیرِ تعلیم راحیلہ حمید خان درانی کے اُس وژن کا عملی اظہار ہے جس کے تحت صوبے کے دور دراز علاقوں کے ہر بچے تک تعلیم کی رسائی یقینی بنانا شامل ہے۔
یہ سینٹرز ان بچوں کے لیے نیا راستہ کھول رہے ہیں جن کے لیے اسکول جانا کبھی ایک خواب تھا، تاکہ اب ان کے خواب حقیقت میں بدل سکیں۔
Related News
