ہم دائیں ہاتھ سے سلام کیوں کرتے ہیں؟ ایک سادہ عمل کے پیچھے تاریخ، مذہب اور سائنس

ہم دائیں ہاتھ سے سلام کیوں کرتے ہیں؟

تحریر: ماہ رنگ بلوچ

ہم روزمرہ زندگی میں جب کسی سے ملتے ہیں تو عموماً دائیں ہاتھ سے سلام یا مصافحہ کرتے ہیں۔ یہ بات ہمیں اتنی عام لگتی ہے کہ ہم اکثر یہ سوچتے ہی نہیں کہ آخر دائیں ہاتھ ہی کیوں استعمال کیا جاتا ہے؟ بائیں ہاتھ سے سلام کرنا کیوں عجیب یا غیر مناسب سمجھا جاتا ہے؟ حقیقت یہ ہے کہ اس عادت کے پیچھے تاریخ، مذہب اور سائنس تینوں موجود ہیں قدیم زمانے میں انسان کی زندگی آج کے مقابلے میں زیادہ غیر محفوظ تھی۔ لوگ اپنی حفاظت کے لیے ہتھیار رکھتے تھے، جیسے تلوار یا خنجر۔ چونکہ زیادہ تر لوگ دائیں ہاتھ سے کام کرتے تھے، اس لیے ہتھیار بھی عموماً دائیں ہاتھ میں ہوتے تھے۔

جب دو لوگ آپس میں ملتے تھے تو دائیں ہاتھ کو آگے بڑھانا اس بات کا اشارہ ہوتا تھا کہ اس ہاتھ میں کوئی ہتھیار نہیں اور ملنے والا شخص امن کے ساتھ آیا ہے۔ یوں دائیں ہاتھ سے سلام کرنا اعتماد اور بھروسے کی علامت بن گیا۔وقت کے ساتھ یہ عمل ایک سماجی روایت بن گیا۔ مختلف تہذیبوں میں دائیں ہاتھ کو طاقت، سچائی اور اچھے ارادے کی علامت سمجھا جانے لگا۔ بعد میں مذاہب، خاص طور پر اسلام میں، دائیں ہاتھ کو اچھے اور صاف کاموں کے لیے ترجیح دی گئی، جیسے کھانا کھانا، کسی کو چیز دینا اور سلام کرنا۔ اس طرح یہ روایت مزید مضبوط ہو گئی۔مصافحہ صرف ہاتھ ملانے کا عمل نہیں بلکہ انسان کی فطرت اور رویّے کو بھی ظاہر کرتا ہے۔ ماہرینِ نفسیات کے مطابق ہاتھ ملانے کے انداز سے کسی شخص کے مزاج کا اندازہ لگایا جا سکتا ہے۔ کچھ لوگ بہت ڈھیلا اور جلدی ہاتھ چھڑا لیتے ہیں، جو اس بات کی نشانی ہو سکتا ہے کہ وہ رسمی طور پر یا جان چھڑانے کے لیے سلام کر رہے ہیں۔ کچھ لوگ بہت زور سے ہاتھ دباتے ہیں، جو کبھی کبھار حد سے زیادہ برتری دکھانے کی کوشش بھی ہو سکتی ہے۔ جبکہ جو لوگ اعتدال اور خلوص کے ساتھ ہاتھ ملاتے ہیں، وہ عام طور پر پُراعتماد، مہذب اور سنجیدہ سمجھے جاتے ہیںاگر ہم اس عادت کو سائنسی نظر سے دیکھیں تو بھی کئی دلچسپ باتیں سامنے آتی ہیں۔ سائنس کے مطابق انسان کا دماغ دو حصوں میں تقسیم ہوتا ہے: دایاں اور بایاں حصہ۔ دماغ کا بایاں حصہ جسم کے دائیں حصے کو کنٹرول کرتا ہے۔ چونکہ دماغ کا بایاں حصہ سوچنے، بولنے اور فیصلے کرنے سے زیادہ جڑا ہوتا ہے، اس لیے دائیں ہاتھ کے کام زیادہ بہتر اور درست ہوتے ہیں۔ اسی وجہ سے دنیا کی بڑی تعداد دائیں ہاتھ سے کام کرنے والوں پر مشتمل ہے۔نفسیات کے مطابق دائیں ہاتھ سے مصافحہ کرنے سے اعتماد کا احساس پیدا ہوتا ہے۔ ایک متوازن اور مناسب مصافحہ سامنے والے شخص کے ذہن میں اچھا تاثر چھوڑتا ہے۔ تحقیق کے مطابق مصافحہ کرنے سے جسم میں آکسیٹوسن نامی ہارمون خارج ہوتا ہے، جو اعتماد اور تعلق کو مضبوط بناتا ہے۔ چونکہ دائیں ہاتھ زیادہ طاقت اور کنٹرول رکھتا ہے، اس لیے اس ہاتھ سے سلام زیادہ مؤثر ثابت ہوتا ہے۔
اس کے علاوہ صفائی کے حوالے سے بھی ایک سائنسی اور سماجی پہلو موجود ہے۔ زیادہ تر معاشروں میں بایاں ہاتھ صفائی کے کاموں کے لیے استعمال ہوتا رہا ہے، اسی لیے دائیں ہاتھ کو نسبتاً صاف سمجھا گیا اور اسے رسمی ملاقات کے لیے بہتر مانا گیا۔
آج اگرچہ دنیا بہت بدل چکی ہے اور ہمیں ہتھیار لے کر گھومنے کی ضرورت نہیں، مگر دائیں ہاتھ سے سلام کرنے کی روایت اب بھی زندہ ہے۔ یہ روایت ہمیں ماضی، مذہب اور سائنس تینوں سے جوڑتی ہے۔ جب ہم دائیں ہاتھ سے سلام کرتے ہیں تو ہم صرف ایک شخص سے نہیں ملتے، بلکہ اعتماد، احترام اور انسانیت کی ایک قدیم علامت کو زندہ رکھتے ہیں۔آخر میں یہ کہا جا سکتا ہے کہ دائیں ہاتھ سے سلام کرنا بظاہر ایک سادہ سی حرکت ہے، مگر اس کے پیچھے تاریخ، سائنس اور انسانی نفسیات کی گہری سمجھ موجود ہے۔

Battle of Truth — A Glorious Symbol of Unity, Sacrifice, and National Resolve

Nature’s Speed Master: How the Peregrine Falcon Inspired Modern Aviation

Viking Civilization: Between Myth, Reality, and Historical Narrati

More Trees on Earth Than Stars in the Milky Way: A Surprising Scientific Discovery

Stevia: A Natural Sweetness for Better Health

Ching Shih – The Most Powerful Female Pirate in History