دنیا کی سب سے مہنگی کافی دبئی میں ایک ہزار ڈالر فی کپ کے حساب سے فروخت
دبئی کے جولِتھ کیفے نے دنیا کی سب سے مہنگی کافی متعارف کر دی ہے جس کی قیمت تقریباً ایک ہزار ڈالر (3,600 درہم) فی کپ ہے۔ یہ خاص کافی پاناما کے اعلیٰ معیار کے ’نیدو 7 گیشا‘ بینز سے تیار کی جاتی ہے، جنہیں کیفے نے ایک سخت مقابلے والی نیلامی کے دوران تقریباً 22 لاکھ درہم میں خریدا۔ کیفے کے شریک بانی سرکان ساگسوز کا کہنا ہے کہ دبئی جیسے پرتعیش طرزِ زندگی والے شہر میں اس مہنگی کافی کی بہت مانگ ہے۔ کافی کو پھولوں، پھلوں اور چائے جیسی خوشبو کے منفرد امتزاج کے ساتھ تیار کیا جاتا ہے، جس میں چنبیلی، نارنجی، برگاموٹ، خوبانی اور آڑو جیسے ذائقے شامل ہیں۔ دبئی نے گزشتہ ماہ ہی 2,500 درہم کے کپ کے ساتھ گنیز ورلڈ ریکارڈ بنایا تھا، مگر اب نیا ریکارڈ اس سے بھی بڑھ گیا ہے۔ مقامی باشندوں کا کہنا ہے کہ ایسی مہنگی اشیا دبئی کے لگژری لائف اسٹائل کا حصہ ہیں۔ کیفے کے مطابق یہ قیمتی کافی محدود مقدار میں پیش کی جارہی ہے، جبکہ اس کا ایک چھوٹا حصہ دبئی کے شاہی خاندان کے لیے مخصوص رکھا گیا ہے۔
دنیا کی سب سے مہنگی کافی دبئی میں ایک ہزار ڈالر فی کپ کے حساب سے فروخت
رپورٹ: اقصی بلوچ
دبئی کے جولِتھ کیفے نے دنیا کی سب سے مہنگی کافی متعارف کر دی ہے جس کی قیمت تقریباً ایک ہزار ڈالر (3,600 درہم) فی کپ ہے۔ یہ خاص کافی پاناما کے اعلیٰ معیار کے ’نیدو 7 گیشا‘ بینز سے تیار کی جاتی ہے، جنہیں کیفے نے ایک سخت مقابلے والی نیلامی کے دوران تقریباً 22 لاکھ درہم میں خریدا۔ کیفے کے شریک بانی سرکان ساگسوز کا کہنا ہے کہ دبئی جیسے پرتعیش طرزِ زندگی والے شہر میں اس مہنگی کافی کی بہت مانگ ہے۔ کافی کو پھولوں، پھلوں اور چائے جیسی خوشبو کے منفرد امتزاج کے ساتھ تیار کیا جاتا ہے، جس میں چنبیلی، نارنجی، برگاموٹ، خوبانی اور آڑو جیسے ذائقے شامل ہیں۔ 
دبئی نے گزشتہ ماہ ہی 2,500 درہم کے کپ کے ساتھ گنیز ورلڈ ریکارڈ بنایا تھا، مگر اب نیا ریکارڈ اس سے بھی بڑھ گیا ہے۔ مقامی باشندوں کا کہنا ہے کہ ایسی مہنگی اشیا دبئی کے لگژری لائف اسٹائل کا حصہ ہیں۔ کیفے کے مطابق یہ قیمتی کافی محدود مقدار میں پیش کی جارہی ہے، جبکہ اس کا ایک چھوٹا حصہ دبئی کے شاہی خاندان کے لیے مخصوص رکھا گیا ہے۔
Related News
