35ویں نیشنل گیمز کے لیے بلوچستان کا دستہ کراچی پہنچ گیا، ڈی جی اسپورٹس کی مکمل سہولت کی یقین دہانی

بلوچستان کا کھلاڑیوں پر مشتمل دستہ 35ویں نیشنل گیمز میں شرکت کے لیے کراچی پہنچ گیا۔ ڈی جی اسپورٹس یاسر بازئی نے کھلاڑیوں کو مکمل اسپورٹس کِٹ، جوتے اور دیگر سہولیات فراہم کرنے کی تصدیق کی۔ سیکیورٹی اور رہائش کے بہترین انتظامات کیے گئے ہیں۔ کھیلوں کا آغاز 7 دسمبر سے ہوگا۔

رپورٹ : محمد خان کاکڑ
35ویں نیشنل گیمز میں شرکت کے لیے بلوچستان کا کھلاڑیوں پر مشتمل دستہ کوئٹہ سے کراچی پہنچ گیا۔ اس موقع پر ڈی جی اسپورٹس یاسر بازئی نے بتایا کہ تمام کھلاڑیوں کو مکمل سہولیات فراہم کی گئی ہیں، جن میں اسپورٹس کِٹ، جوتے، بیگز اور دیگر ضروری سامان شامل ہے۔
ڈی جی اسپورٹس نے کہا کہ سیکیورٹی صورتحال کے پیشِ نظر کھلاڑیوں کو مختلف گروپس میں روانہ کیا گیا ہے، جبکہ کراچی میں ان کی رہائش کا بہترین انتظام کیا گیا ہے۔ انہوں نے امید ظاہر کی کہ بلوچستان کے کھلاڑی نیشنل گیمز میں شاندار کارکردگی دکھاتے ہوئے میڈلز جیتیں گے۔

یاسر بازئی نے مزید کہا کہ محکمہ کھیل کھلاڑیوں کی سہولت اور بہترین کارکردگی کے لیے ہر ممکن اقدامات کر رہا ہے۔
واضح رہے کہ 35ویں نیشنل گیمز کی اوپننگ تقریب 6 دسمبر کو کراچی میں منعقد ہوگی، جبکہ مختلف کھیلوں کے مقابلوں کا باضابطہ آغاز 7 دسمبر سے ہوگا اور یہ مقابلے 13 دسمبر تک جاری رہیں گے۔