ایس بی کے وومن یونیورسٹی کوئٹہ میں پی ایم یو-بی ای ایس پی فلّی فنڈڈ اسکالرشپس سے متعلق اورینٹیشن سیشن کا انعقاد

کوئٹہ میں سردار بہادر خان وومن یونیورسٹی میں پی ایم یو-بی ای ایس پی اسکالرشپ پروگرام سے متعلق اورینٹیشن سیشن منعقد کیا گیا۔ اس موقع پر طالبات کو مکمل فنڈڈ اسکالرشپ، اہلیت کے معیار اور داخلہ و تعلیمی سہولیات کے بارے میں تفصیلی آگاہی

رپورٹ : عروبہ کوئٹہ
پروجیکٹ مینجمنٹ یونٹ، بلوچستان ایجوکیشن سپورٹ پروگرام ، اسکول ایجوکیشن ڈیپارٹمنٹ کے تحت ورلڈ بینک کے تعاون سے گریڈ-بی پروجیکٹ کے تحت تقریباً 400 فلّی فنڈڈ اسکالرشپس کے حوالے سے ایک اورینٹیشن سیشن سردار بہادر خان وومن یونیورسٹی، کوئٹہ میں منعقد کیا گیا۔
اس سیشن میں سردار بہادر خان وومن یونیورسٹی کے شعبۂ تعلیم اور یونیورسٹی انتظامیہ کے تعاون سے پروجیکٹ مینجمنٹ یونٹ کی ٹیم نے شرکت کی۔ ٹیم نے طالبات اور اساتذہ کو اسکالرشپ پروگرام کے بارے میں تفصیلی آگاہی فراہم کی۔ شرکاء کو بتایا گیا کہ یہ اسکالرشپ بلوچستان کی طالبات کے لیے اعلیٰ تعلیم حاصل کرنے کا سنہری موقع ہے، جس کا مقصد تعلیمی مواقع کو فروغ دینا اور طلبہ کی معاونت کرنا ہے۔ اس موقع پر مختلف جامعات، داخلہ کے طریقہ کار اور اسکالرشپ کے تحت فراہم کی جانے والی سہولیات کے بارے میں بھی مکمل رہنمائی فراہم کی گئی۔
اس اسکالرشپ کے لیے اہلیت کے معیار درج ذیل ہیں: امیدوار کا خاتون ہونا ضروری ہے اور اس نے بارہویں جماعت کامیابی سے پاس کی ہو۔ میٹرک میں کم از کم 55 فیصد اور انٹرمیڈیٹ میں بھی کم از کم 55 فیصد نمبر حاصل کرنا لازمی ہیں۔ امیدوار کا بلوچستان کا لوکل ڈومیسائل ہونا بھی ضروری ہے۔
جو طالبات ان تمام شرائط پر پورا اترتی ہیں وہ اس اسکالرشپ کے لیے اہل تصور کی جائیں گی۔ یہ ایک فلّی فنڈڈ اسکالرشپ ہے جس میں داخلہ فیس، ٹیوشن فیس، ٹیسٹ فیس اور آخری ڈگری تک تمام تعلیمی اخراجات محکمہ اسکول ایجوکیشن، حکومت بلوچستان اور پروجیکٹ مینجمنٹ یونٹ برداشت کرے گا۔