نصیرآباد ڈویژن میں تعلیمی بہتری کے لیے سخت اقدامات کا اعلان

نصیرآباد میں ڈسٹرکٹ ایجوکیشن گروپ کے اجلاس میں ڈی سی زوالفقار علی کرار نے غیر حاضر اساتذہ کے خلاف سخت کارروائی کا اعلان کیا۔ اجلاس میں فیصلہ کیا گیا کہ غیر حاضر اساتذہ کی تنخواہوں میں کٹوتی، عارضی اساتذہ کی برطرفی اور احکامات پر عمل نہ کرنے والے ڈی ڈی اوز کو شوکاز نوٹس جاری کیے جائیں گے۔ تعلیمی معیار بہتر بنانے کے لیے فیلڈ مانیٹرنگ سسٹم کو مزید مؤثر بنانے پر بھی زور دیا گیا۔

رپورٹ: عزیر

ڈسٹرکٹ ایجوکیشن گروپ کے جائزہ اجلاس میں ڈی سی نصیرآباد زوالفقار علی کرار نے کہا کہ غیر حاضر اساتذہ کے خلاف کارروائی نہ کرنے والے ڈی ڈی اوز اور ملازمین کو شوکاز نوٹس جاری کیے جائیں گے۔ انہوں نے واضح کیا کہ ڈسٹرکٹ ایجوکیشن گروپ کے احکامات کے باوجود ایک ماہ بعد بھی ایجوکیشن سیکٹر میں عملی بہتری نہ آنا ناقابل قبول ہے۔ اجلاس میں فیصلہ کیا گیا کہ غیر حاضر اساتذہ کی تنخواہوں سے کٹوتی کی جائے گی اور عارضی بنیادوں پر تعینات ٹیچرز کو فوری فارغ کیا جائے گا۔ اس کے علاوہ، ٹیچرز کی حاضری چیک کرنے کے لیے فیلڈ مانیٹرنگ سسٹم کو موثر بنانے کے حوالے سے بھی اہم فیصلے کیے گئے ہیں تاکہ تعلیمی معیار میں بہتری لائی جا سکے۔