بلوچستان میں ایف سی نے 50 کروڑ روپے مالیت کی تین ٹن منشیات قبضے میں لے لی

رپورٹ : سرفراز بلوچ
 
ایف سی بلوچستان (ساؤتھ) ماشکیل رائفلز نے زیرو ٹالرنس پالیسی کے تحت منشیات کی اسمگلنگ کے خلاف مسلسل اور مؤثر کارروائیاں جاری رکھتے ہوئے تین ٹن منشیات قبضے میں لے لی ہیں، جن کی مالیت تقریباً 50 کروڑ روپے ہے۔ یہ اقدامات نوجوان نسل کے مستقبل کو محفوظ بنانے اور معاشرے کو منشیات کے مضر اثرات سے پاک کرنے کے مقصد کے تحت کیے گئے ہیں۔ مورخہ 17 جنوری 2026 کو ضبط شدہ منشیات کو ایف سی، پولیس، ضلعی انتظامیہ، مذہبی و سیاسی شخصیات اور ماشکیل کے مقامی عمائدین کی موجودگی میں نذر آتش کیا گیا، جس موقع پر منشیات کے خلاف جاری جدوجہد کو مزید مؤثر بنانے اور منشیات  کے مکمل خاتمے کے عزم کا اعادہ کیا گیا۔