ایف آئی اے کوئٹہ کی بڑی کارروائی، انسانی اسمگلنگ میں ملوث ریٹائرڈ ملازم گرفتار

ایف آئی اے اینٹی ہیومن ٹریفکنگ سرکل کوئٹہ نے بڑی کارروائی کرتے ہوئے انسانی اسمگلنگ اور ویزا فراڈ میں ملوث سابقہ ریٹائرڈ ملازم محمد اسماعیل کو گرفتار کر لیا۔ ملزم سوشل میڈیا کے ذریعے شہریوں کو بیرون ملک بھجوانے کا جھانسہ دے کر بھاری رقوم وصول کرتا تھا۔

رپورٹ: سیدہ نتاشا

کوئٹہ: فیڈرل انوسٹیگیشن ایجنسی (ایف آئی اے) اینٹی ہیومن ٹریفکنگ سرکل کوئٹہ نے انسانی اسمگلنگ اور ویزا فراڈ کے خلاف کامیاب کارروائی کرتے ہوئے سابقہ ریٹائرڈ ملازم محمد اسماعیل کو گرفتار کر لیا۔ترجمان ایف آئی اے کے مطابق گرفتار ملزم سوشل میڈیا کے ذریعے شہریوں کو بیرون ملک روزگار اور بہتر مستقبل کے خواب دکھا کر اپنے جال میں پھنساتا تھا۔ ملزم نے ایک شہری کو آسٹریلیا بھجوانے کا جھانسہ دے کر مجموعی طور پر 55 لاکھ روپے وصول کیے اور بعد ازاں متاثرہ شخص کو جعلی ای ویزا فراہم کیا۔
ایف آئی اے حکام کے مطابق ملزم کو کوئٹہ سے گرفتار کر کے تفتیش کا آغاز کر دیا گیا ہے، جبکہ اس نیٹ ورک میں ملوث دیگر ملزمان کی گرفتاری کے لیے چھاپہ مار کارروائیاں جاری ہیں۔ ترجمان ایف آئی اے کا کہنا ہے کہ انسانی اسمگلنگ میں ملوث عناصر کے خلاف بلا امتیاز کارروائیاں جاری رکھی جائیں