خلا میں آٹھ فٹبال میدانوں جتنا بڑا تیز رفتار سیارچہ دریافت

سائنس دانوں نے خلا میں ایک بہت بڑا سیارچہ دریافت کیا ہے جو سائز میں تقریباً آٹھ فٹبال میدانوں کے برابر ہے۔ اس سیارچے کو 2025 MN45 کا نام دیا گیا ہے۔ ماہرین کے مطابق یہ اب تک دریافت ہونے والے 499 میٹر سے بڑے سیارچوں میں سب سے زیادہ تیزی سے گھومنے والا سیارچہ ہے۔ یہ سیارچہ تقریباً 709 میٹر چوڑا ہے اور اپنے محور کے گرد صرف 1.88 منٹ میں ایک چکر مکمل کر لیتا ہے۔ 2025 MN45 ہمارے نظامِ شمسی میں موجود سیارچوں کی مرکزی پٹی میں سورج کے گرد گردش کر رہا ہے۔ یہ مرکزی پٹی زمین سے تقریباً 48 کروڑ 28 لاکھ کلومیٹر کے فاصلے پر واقع ہے، جہاں مختلف سائز کے لاکھوں سیارچے موجود ہیں۔ ان میں کچھ سیارچے بہت بڑے بھی ہیں۔ سائنس دانوں کا کہنا ہے کہ تمام سیارچے اپنی جگہ پر حرکت کرتے رہتے ہیں، تاہم کچھ سیارچوں کی رفتار زیادہ ہوتی ہے۔ اس کی وجوہات میں سورج کی گرمی، دوسرے سیارچوں سے ٹکراؤ اور ان کی ساخت شامل ہے۔

خلا میں آٹھ فٹبال میدانوں جتنا بڑا تیز رفتار سیارچہ دریافت

رپورٹ: اقصی بلوچ

سائنس دانوں نے خلا میں ایک بہت بڑا سیارچہ دریافت کیا ہے جو سائز میں تقریباً آٹھ فٹبال میدانوں کے برابر ہے۔

اس سیارچے کو 2025 MN45 کا نام دیا گیا ہے۔ ماہرین کے مطابق یہ اب تک دریافت ہونے والے 499 میٹر سے بڑے سیارچوں میں سب سے زیادہ تیزی سے گھومنے والا سیارچہ ہے۔

یہ سیارچہ تقریباً 709 میٹر چوڑا ہے اور اپنے محور کے گرد صرف 1.88 منٹ میں ایک چکر مکمل کر لیتا ہے۔ 2025 MN45 ہمارے نظامِ شمسی میں موجود سیارچوں کی مرکزی پٹی میں سورج کے گرد گردش کر رہا ہے۔

یہ مرکزی پٹی زمین سے تقریباً 48 کروڑ 28 لاکھ کلومیٹر کے فاصلے پر واقع ہے، جہاں مختلف سائز کے لاکھوں سیارچے موجود ہیں۔ ان میں کچھ سیارچے بہت بڑے بھی ہیں۔

سائنس دانوں کا کہنا ہے کہ تمام سیارچے اپنی جگہ پر حرکت کرتے رہتے ہیں، تاہم کچھ سیارچوں کی رفتار زیادہ ہوتی ہے۔ اس کی وجوہات میں سورج کی گرمی، دوسرے سیارچوں سے ٹکراؤ اور ان کی ساخت شامل ہے۔