جامعہ بلوچستان میں موسمیاتی تحفظ اور پالیسی سازی پر اعلیٰ سطحی مکالمہ

جامعہ بلوچستان، یو این ڈی پی اور حکومت بلوچستان کے اشتراک سے موسمیاتی تحفظ کے موضوع پر ایک اعلیٰ سطحی پالیسی مکالمہ منعقد کیا گیا۔ مقررین نے موسمیاتی تبدیلی کے بڑھتے ہوئے خطرات سے نمٹنے، عوامی آگاہی اور مؤثر پالیسی اقدامات کی ضرورت پر زور دیا۔

کوئٹہ: جامعہ بلوچستان، حکومت بلوچستان اور یو این ڈی پی کے اشتراک سے ’’بلوچستان میں حقِ مبنی موسمیات تحفظ: مقامی شواہد سے پالیسی اقدامات تک‘‘ کے عنوان سے ایک اعلیٰ سطحی پالیسی مکالمہ منعقد کیا گیا۔ اس منصوبے کا مقصد بلوچستان کو درپیش موسمیاتی تبدیلیوں اور ماحولیاتی دباؤ کے اثرات سے نمٹنے کے لیے مؤثر پالیسی سازی کو فروغ دینا ہے۔

تقریب سے خطاب کرتے ہوئے جامعہ بلوچستان کے وائس چانسلر پروفیسر ڈاکٹر ظہور احمد بزئی نے کہا کہ موسمیاتی تحفظ کے حوالے سے آگاہی ایک مضبوط اور باصلاحیت معاشرے کی تشکیل کے لیے ناگزیر ہے۔ انہوں نے موسمیاتی مالیات اور استعداد کار میں اضافے کے لیے جامعہ بلوچستان کے اقدامات کو بھی اجاگر کیا۔

تقریب میں گورنر بلوچستان شیخ جعفر خان مندوخیل، صوبائی وزراء، سرکاری حکام، ماہرین تعلیم، طلبہ اور سول سوسائٹی کے نمائندوں نے شرکت کی۔ شرکاء نے بلوچستان کو درپیش موسمیاتی چیلنجز اور ان سے نمٹنے کے لیے پالیسی سطح پر مؤثر اقدامات کی ضرورت پر زور دیا۔