ڈیجیٹل بلوچستان کی جانب اہم پیش رفت، ڈی جی پی آر کا ڈیجیٹل میڈیا رجسٹریشن پلیٹ فارم متعارف

کوئٹہ: وزیراعلیٰ بلوچستان میر سرفراز بگٹی کے “ڈیجیٹل بلوچستان” اور شفاف حکمرانی کے وژن کے تحت محکمہ اطلاعات (ڈی جی پی آر بلوچستان) نے ڈیجیٹل میڈیا رجسٹریشن پلیٹ فارم کا باقاعدہ آغاز کر دیا ہے۔

اس پلیٹ فارم کے ذریعے سوشل میڈیا انفلوئنسرز اور ڈیجیٹل پبلشرز گھر بیٹھے آن لائن رجسٹریشن کر کے سرکاری نظام سے منسلک ہو سکیں گے۔ حکام کے مطابق رجسٹرڈ ڈیجیٹل میڈیا نمائندگان کو حکومتی اشتہارات اور آگاہی مہمات میں ترجیح دی جائے گی، جس سے پیشہ ورانہ شناخت اور آمدن کے نئے مواقع پیدا ہوں گے۔

محکمہ اطلاعات کے مطابق یہ اقدام حکومت اور عوام کے درمیان مؤثر رابطے کو مضبوط بنانے اور ڈیجیٹل میڈیا کو منظم انداز میں فروغ دینے کی جانب ایک اہم قدم ہے۔