صوبے میں امن و امان کے پیش نظر دفعہ 144 نافذ، 31 جنوری تک پابندیاں برقرار

کوئٹہ: حکومت بلوچستان کے محکمہ داخلہ نے امن و امان کی صورتحال کو برقرار رکھنے کے لیے صوبے بھر میں دفعہ 144 کے تحت مختلف سرگرمیوں پر پابندی عائد کرنے کے احکامات جاری کر دیے ہیں، جو 31 جنوری تک نافذ العمل رہیں گے۔ جاری کردہ نوٹیفکیشن کے مطابق صوبے بھر میں اسلحہ کی نمائش، گاڑیوں میں کالے شیشوں کا استعمال، موٹر سائیکل پر ڈبل سواری، نقاب پوشی، چار سے زائد افراد کے اجتماع اور ہر قسم کی ریلیوں، جلوسوں اور جلسوں پر پابندی عائد کر دی گئی ہے۔ محکمہ داخلہ کے مطابق یہ اقدام عوام کی جان و مال کے تحفظ اور کسی بھی ناخوشگوار واقعے سے بچاؤ کے لیے اٹھایا گیا ہے۔ پابندی کی خلاف ورزی کرنے والوں کے خلاف قانون کے مطابق سخت کارروائی عمل میں لائی جائے گی۔ حکام نے عوام سے اپیل کی ہے کہ وہ سیکیورٹی اداروں سے تعاون کریں اور دفعہ 144 کے نفاذ پر عمل درآمد کو یقینی بنائیں تاکہ صوبے میں امن و امان کی فضا برقرار رکھی جا سکے۔

صوبے میں امن و امان کے پیش نظر دفعہ 144 نافذ، 31 جنوری تک پابندیاں برقرار

کوئٹہ: حکومت بلوچستان کے محکمہ داخلہ نے امن و امان کی صورتحال کو برقرار رکھنے کے لیے صوبے بھر میں دفعہ 144 کے تحت مختلف سرگرمیوں پر پابندی عائد کرنے کے احکامات جاری کر دیے ہیں، جو 31 جنوری تک نافذ العمل رہیں گے۔
جاری کردہ نوٹیفکیشن کے مطابق صوبے بھر میں اسلحہ کی نمائش، گاڑیوں میں کالے شیشوں کا استعمال، موٹر سائیکل پر ڈبل سواری، نقاب پوشی، چار سے زائد افراد کے اجتماع اور ہر قسم کی ریلیوں، جلوسوں اور جلسوں پر پابندی عائد کر دی گئی ہے۔ محکمہ داخلہ کے مطابق یہ اقدام عوام کی جان و مال کے تحفظ اور کسی بھی ناخوشگوار واقعے سے بچاؤ کے لیے اٹھایا گیا ہے۔ پابندی کی خلاف ورزی کرنے والوں کے خلاف قانون کے مطابق سخت کارروائی عمل میں لائی جائے گی۔
حکام نے عوام سے اپیل کی ہے کہ وہ سیکیورٹی اداروں سے تعاون کریں اور دفعہ 144 کے نفاذ پر عمل درآمد کو یقینی بنائیں تاکہ صوبے میں امن و امان کی فضا برقرار رکھی جا سکے۔